ووردبرس ولا ويكس؟ أي منصة أفضل لبناء موقعك؟
Share
كل مشروع لازم يكون عنده موقع إلكتروني. السؤال هو: على أي منصة أبني الموقع؟ الخيارات الأكثر شيوعًا هي: ووردبرس (WordPress) و ويكس (Wix). خلينا نشرح الفرق بينهم بطريقة سهلة وبسيطة.
شو يعني ووردبرس؟
ووردبرس هي نظام لبناء المواقع، يستعملوه ملايين حول العالم.
تخيلها زي “علبة ليغو كبيرة”: عندك الأساس، وبتضيف عليها قطع (إضافات = زي تطبيقات بالموبايل) حسب احتياجك.
مزايا التصميم بواسطة ووردبرس:
- حرية كاملة بالتصميم: تصمم الموقع زي ما بدك.
- آلاف الإضافات: متجر، مدونة، نماذج تواصل، وغيرهم.
- سيطرة قوية على ظهورك بمحرك البحث جوجل (SEO = كيف يلاقوك الناس).
عيوب التصميم بواسطة ووردبرس:
- لازم صيانة: تحديثات، نسخ احتياطي، وحماية (زي سيارة لازم صيانة).
- أحيانًا لازم مساعدة من مصمم أو مبرمج.
موقع ووردبرس.. لمين بناسب؟
للمشاريع لأمد بعيد اللي بدها موقع بسيط وسريع بدون تعقيدات.
شو يعني ويكس؟
ويكس هي منصة إسرائيلية تخليك تبني موقع لحالك بدون خبرة تقنية.
بتشتغل بطريقة “اسحب وحط” يعني ترتب الصور والنصوص مباشرة على الشاشة.
مزايا التصميم بواسطة ويكس:
- ويكس سهل جدًا بالاستخدام.
- ما يلزمو خبرة تقنية.
- قوالب جاهزة مناسبة للمشاريع الصغيرة.
- خدمة زبائن بالعربي والعبرية.
عيوب التصميم بواسطة ويكس:
- حرية أقل بالتصميم المتقدم.
- صعب تنقل الموقع لاحقًا لمنصة ثانية.
- جوجل مش دايمًا بيعطي أولوية لمواقع ويكس مقارنة بووردبرس.
موقع ويكس.. لمين بناسب؟
للمشاريع الصغيرة جدًا اللي بدها موقع بسيط وسريع بدون تعقيدات.
كم يكلف؟
- ووردبرس: لازم تدفع على عنوان الموقع (دومين = زي عنوان بيتك عالإنترنت) وعلى مساحة تخزين (المكان اللي بينحفظ فيه الموقع). التكلفة عادة بين 30–60 شيكل بالشهر.
- ويكس: اشتراك شهري بين 25–100 شيكل حسب الباقة، وبيشمل دومين وتخزين.
باختصار:
- ويكس أرخص وأسهل بالبداية.
- ووردبرس أوفر على المدى الطويل إذا لازمك موقع كبير وقوي.
مين الأقوى بجوجل ووردبرس أو ويكس؟
- ووردبرس: يعطيك سيطرة كاملة على تحسين الموقع بمحركات البحث.
- ويكس: اتحسن كثير بالفترة الأخيرة، بس محدود مقارنة بووردبرس.
إمتى تختار ويكس وإمتى ووردبرس؟
- إذا مشروعك صغير جدًا وبدك موقع بسيط وسريع → ويكس مناسب إلك.
- إذا بتفكر بالمستقبل وبدك موقع يكبر معك ويعطيك سيطرة كاملة → ووردبرس هو الخيار الأفضل.
الخلاصة
ما في جواب واحد صحيح للجميع. الموضوع بيعتمد على: ميزانيتك. وقتك. أهداف مشروعك.
بس المؤكد: حتى الموقع الصغير والبسيط، بيفرق كثير بالصورة اللي الزبائن بشوفوك فيها.
لاسا محتارين؟ اكتبولي
העיצוב הטוב ביותר מתחיל בשיחה מהלב. שלחו לי הודעה, ספרו מה עובר לכם על הלב, וביחד נמצא דרך להפוך את זה למשהו מיוחד!
בלוג - מה הסיפור?
אל תפספסו
הירשמו לניוזלטר והישארו בעניינים
© 2025 jeem by jumana